Asociación "Auga Limpa"

Auga Limpa celebra a súa III Asemblea Xeral Ordinaria

2010-05-09T20:30:00.002+02:00

Este domingo 9 de maio ás 11:30 da mañán, a asociación Auga Limpa celebróu no Centro Multiusos de Ponteareas a súa III Asemblea Xeral Ordinaria.

Nesta asemblea os socios valoraron positivamente a labor da asociación posto que ó parecer foi determinante para que agora mismo xá estea licitada a construción de unha planta potabilizadora en Ponteareas. A licitación da obra aparecéu publicada no D.O.G. do xoves 25 de febreiro de 2010 cun prazo de execución de 15 meses. Xa que logo, a labor da asociación a partir de agora se centrará en facer o seguimento ó proceso de construción desta obra.

Por outra banda, os socios acordaron permanecer adheridos á Plataforma Defendendo o Tea, posto que todos estiveron de acordo na importancia desta plataforma para loitar pola saúde do rio Tea e o seu contorno.

Asociación Auga Limpa.

Xuntanza co Alcalde de Ponteareas

2010-03-09T12:24:00.001+01:00

Membros da asociación Auga Limpa mantivemos no dia de hoxe unha xuntanza co alcalde de Ponteareas Gonxález Solla.
Esta asociación, solicitóu varias veces ó Concello de Ponteareas ó longo do ano 2009 que se lle informara por escrito da marcha do proxecto da E.T.A.P. de Ponteareas. En todo ese tempo non obtuvemos ningunha información e foi xá no 2010, despois de solicitar unha entrevista persoal, cando o alcalde acedéu a falar con nós.

A xuntanza de hoxe produciuse despóis da publicación no D.O.G. do 25 de febreiro da licitación do proxecto da E.T.A.P. de Ponteareas, que ten un prazo de execución total de 15 meses. Xá que logo, o desenrolo da reunión limitouse á ratificación por parte do Alcalde do xá aparecido no D.O.G. e a reivindicación pola nosa parte de que non se desatendan nun futuro as nosas solicitudes de información de un asunto de tanta importancia para a nosa asociación e para tódolos veciños en xeral.

Dende esta asociación, esperamos que esta obra, que viría a dar solución á mala calidade da auga na vila de Ponteareas comence e remate canto antes, polo que continuaremos facendo un seguimento do desenrolo do proxecto.
Queremos tamén agradecer ós veciños o seu apoio e animalos a que sigan loitando, xá que soamente coa concienciación e movilización acadaremos unha vila mellor.

Ampliar o inexistente.

2010-01-14T10:44:00.002+01:00

A cara dura dos nosos rexidores municipais parece non ter límites. Na web do Concello de Ponteareas, con motivo da visita do delegado territorial da Xunta, Coures Tourís, donde falan dos distintos proxectos e obras que se están a realizar, di textualmente: "A maiores destas obras, tamén cabe destacar as obras de ampliación da ETAP de Ponteareas que conta cun presuposto de 1.381.142,55 euros". Agora resulta, que xa tiñamos unha E.T.A.P. na vila e nos sen enterarnos. E por riba levamos todo este tempo reclamando que se faga unha. Incrible.

Por outro lado, seguen publicitando a bombo e platillo as obras de saneamento de Xinzo, Arnoso e Areas, o cal está moi ben, pero nos seguímonos preguntandos qué é o que teñen pensado facer coas augas residuais que recollerán no futuro estes colectores, posto que a depuradora de augas residuais (E.D.A.R.) que existe actualmente é insuficiente ( se non que expliquen por qué os vertidos de augas residuais que pasan ó lado da depuradora van a parar directamente ó rio) e non parece que teñan ningunha intención de ampliar a existente ou de facer unha nova. Por suposto non se pararon a pensar niso. Verterán directamente ó rio, total traga con todo. O final chegará o dia no que o rio Tea sexa unha canle de auga pútrida e nos preguntaremos por qué.

Un ano máis sen E.T.A.P.

2010-01-13T11:56:00.002+01:00

Dende a asociación Auga Limpa queremos manifestar o noso malestar pola falta de avance no proxecto da E.T.A.P. en Ponteareas.
Xa pasou máis de un ano dende que o Pleno Municipal aprobou o proxecto da futura potabilizadora de Ponteareas e a dia de hoxe aínda non existe data para o inicio das obras.

No pasado mes de outubro o Alcalde de Ponteareas felicitábase de ter acadado un aumento do financiamento da obra por parte da Consellería de Medio Ambiente dun 70% a un 80% e agradecía o “esforzo orzamentario” da dita Consellería, pero isto parece que finalmente non valeu para nada. Agora resulta que o Concello non pode asumir o 20% do costo da obra que lle tocaría financiar polo que estamos igual que antes.

Queremos recordar, que o servizo de auga potable é un servizo básico e o Concello, independentemente de que este servizo estea xestionado por unha empresa privada, é o responsable de que se preste en boas condicións, polo que a construción dunha potabilizadora na vila debería ser para o Goberno Municipal unha prioridade. O Goberno Municipal ten a obriga de por solución á mala calidade da auga en Ponteareas, e estamos seguros de que así como acada financiamento das distintas administracións para obras de menor importancia, tamén pode acadala para a E.T.A.P.. Solo fai falta interese en solucionar o problema, sexa por parte do Concello, da Xunta ou do Estado.

Asemblea Xeral Extraordinaria

2009-11-04T12:21:00.000+01:00

O pasado 25 de outubro de 2009, a Asociación Auga Limpa celebrou unha Asemblea Xeral Extraordinaria debidamente convocada co seguinte punto no orde do día:

· Adhesión da asociación Auga Limpa á plataforma Defendendo o Tea.

Na asemblea explicouse os socios o tipo de actividade ó que se vai a dedicar a Plataforma, da que forman parte diversas organizacións veciñais e políticas.
Esta actividade consiste principalmente na divulgación dos valores do rio Tea e a súa protección.

Unha vez debatido o asunto, aprobouse por unanimidade dos socios presentes a inclusión da asociación Auga Limpa na plataforma Defendendo o Tea, así como o pago por este ano 2009 da cuota anual de 60 euros da nosa asociación á plataforma.

O pago da cuota, así como a adhesión da asociación á plataforma, quedará supeditado anualmente á aprobación dos socios, que valorarán a conveniencia de permanecer na plataforma.

Augas de Galicia aínda está supervisando o proxecto da E.T.A.P. de Ponteareas.

2009-10-24T19:10:00.003+02:00

Dende a asociación Auga Limpa queremos manifestar a nosa sorpresa ó ter coñecimento das declaracións do Alcalde de Ponteareas, D. Salvador González nas que manifestaba que se está ultimando a tramitación previa das obras da ETAP xa que, según a información que ten esta asociación, Augas de Galicia está actualmente a supervisar técnicamente o proxecto da E.T.A.P. de Ponteareas para a súa posterior tramitación administratriva e licitación, polo que entendemos que a tramitación das obras non está tan adiantada como o Alcalde quere facer ver.

Este feito nos foi comunicado recentemente por Augas de Galicia como primeira resposta despois de oito meses sin ter ningún tipo de comunicación por parte da Xunta de Galicia nin do Concello.
Asi, despois de que tiveramos constancia da publicación no B.O.P. de 16 de xaneiro de 2009 da aprovación por parte da Corporación Municipal de Ponteareas do proxecto da E.T.A.P. cun orzamento de 1.381.142 euros, solicitamos por escrito tanto á Xunta de Galicia como ó Concello de Ponteareas que se nos informara do desenrolo do proxecto, xa que entendíamos que despóis de estar este aprobado, e os terreos postos a disposición da Xunta por parte do Concello, o paso seguinte sería o inicio da construción da potabilizadora. Ó non obter ningún tipo de resposta, volvemos a solicitar información no mes de setembro, co resultado desta resposta por parte de Augas de Galicia. O Concello de Ponteareas aínda non se dignou a dirixirse a nós.

É evidente a falta de interés por parte da Xunta de Galicia e do Concello de Ponteareas por un asunto tan importante para os veciños da vila como é a calidade da auga potable que recibimos. Un servizo, temos que recordar, polo que unha empresa privada se está beneficiando a costa dos veciños co permiso do Concello.
E mentres tanto polos grifos das nosas vivendas sae lodo cada vez que chove.

Solidarizámonos coas reivindicacións dos veciños de Canedo e San Vicente

2009-06-08T11:49:00.003+02:00

Dende a asociación Auga Limpa queremos manifestar o noso apoio á reivindicación dos veciños de Canedo e San Vicente de que se respecte a legalidade na construción da rotonda na N-120 e sobre todo no tocante ó Regato da Venda.
Dende que no 2006 se adxudicaron os traballos para a construción dunha rotonda no cruce de San Vicente e Canedo coa N-120 os veciños levan visto empeoradas as condicións para acceder ás súas parroquias, posto que o único que se leva feito son movementos de terras e a obstrución do paso inferior, que era unha opción utilizada por moitos deles. Estas obras están afectando ó coñecido Regato da Venda, polo que nos consta que se debería contar para facelas coa debida autorización da Confederación Hidrográfica do Miño-Sil, autorización que polo que parece non existe.
Sabemos que o regato da Venda xa foi ilegalmente entubado e aterrado e que soporta o vertido de augas residuais que van a parar finalmente ó rio Tea, do cal se nos subministra a auga que chega ata as nosas vivendas. Polo tanto, e xa que se están realizando obras no entorno do regato, esta é a mellor ocasión para que se separen as augas do regato das residuais e se envíen estas últimas á depuradora, eliminando así un dos vertidos que están a contaminar o rio Tea. Si esta separación non se fai agora, será moito máis difícil eliminar estes vertidos ó rio cando as obras estean rematadas. Nos entendemos que o Ministerio de Fomento, que é o promotor de esta obra, debe facilitar ós veciños a ficha técnica da mesma que lle están solicitando para poder saber de certo que é o que se vai a facer alí e que a Confederación Hidrográfica do Miño-Sil ten a obriga de pronunciarse con respecto a este tema. Por outra banda, o goberno municipal parece estar desaparecido de todo este asunto, o que tampouco nos sorprende.

A asociación Auga Limpa celebróu a súa segunda Asemblea Xeral.

2009-04-28T12:29:00.001+02:00

Os socios valoraron positivamente a labor da asociación de transmitir ás distintas administración públicas o malestar dos veciños coa mala calidade do servicio de auga da traída.

Na asemblea celebrada o domingo 26 de abril na Sala de Usos Múltiples ó lado do Parque das Pombas, deuse un repaso á actividade da asociación durante estes casi dous anos dende a súa fundación. Ó longo deste tempo a asociación recolleu o reclamo veciñal de mellorar o servizo de auga da traida da vila. Un servizo a todas luces deficiente que suministra ós veciños un auga con diversas partículas, en ocasións incluso con lodo e sempre cun forte olor a cloro, motivos estes que a fan inservible para beber e mesmo para cociñar.

A asociación transmitíu durante este tempo o malestar veciñal á Xunta de Galicia e o Concello de Ponteareas e mesmo entregóu ó Concello máis de 800 firmas de adhesión a un escrito no que se reclamaba a mellora do servizo e repartíu tamén outro escrito para enviar ó Valedor do Pobo.

Na Asemblea tamén se deu conta ós socios da evolución dos trámites para a construcción dunha Estación de Tratamento de Auga Potable (ETAP) na vila. Despóis do anuncio en outubro de 2008 por parte do Alcalde da compra dos terreos e da aprobación do proxecto da ETAP polo Pleno Municipal, proxecto ó que tivo acceso esta asociación, non se ten aínda constancia de que todo isto se vaia a materializar en breve.

En febreiro de 2009 esta asociación dirixiuse ó Concello de Ponteareas e á Xunta de Galicia facendo tres preguntas concretas:

Si o Concello xa enviara toda a documentación necesaria para a licitación da obra.
Que nos informara do estado dos trámites para a súa construcción.
E no caso de que estiveran todos os trámites realizados, si existía xá data de inicio para a construcción da ETAP.

Dous meses despois de transmitidas estas preguntas á Xunta e ó Concello ningúen nos contestóu, polo que nos tememos que esta cuestión tan importante para Ponteareas poida cair no olvido por parte das administracións, aparte de ser un menosprezo hacia a nosa asociación e en última instancia ós veciños.

Na Asemblea os socios acordaron seguir dirixíndose as administracións reclamando a solución do problema da auga e incluso se plantexóu que no caso de que non se avanzara na construción da ETAP habería que iniciar movilizacións veciñais.

A Xunta de Galicia e o Concello negan información á asociación.

2009-03-30T11:56:00.002+02:00

Logo da publicación no B.O.P. da aprobación polo Pleno Municipal do proxecto da E.T.A.P., esta asociación dirixiuse á Xunta de Galicia e ó Concello para que estas administracións públicas nos comunicaran o estado dos trámites actuais para a construción da potabilizadora.
Nos diriximos a estas administracións mediante dous documentos que foron metidos no rexistro de entrada do Concello con data do 27 de febreiro de 2009. No dia de hoxe, non recibimos ningún tipo de resposta.
As nosas preguntas eran concretamente tres, a saber: si o Concello, despois da aprobación do proxecto da E.T.A.P., tiña xa enviada toda a documentación necesaria para a licitación da obra, que nos comunicasen o estado xeral dos trámites necesarios para a construción desta obra e no caso de estar todos estes trámites realizados, si existía xa data de inicio para a súa construción.

Transcurreron xa máis de trinta dias, e nin a Xunta nin o Concello se dignaron a dirixirse a nos para contestar as nosas preguntas. Esta actitude por parte das administracións, que entendemos que teñen a obriga de manter informados ós veciños das súas actividades, fainos temer que o proceso de construción dunha E.T.A.P. na vila de Ponteareas, estea sufrindo novos atrancos.

Por outra parte, esperamos o o cambio de goberno de Galicia, non supoña un novo atraso na solución do problema da calidade da auga en Ponteareas. Que lles quede ben claro que os veciños de Ponteareas imos seguir reclamando os nosos dereitos estea quen estea no goberno.

Esiximos que se informe ós veciños de Ponteareas de cal é a situación da futura planta potabilizadora na vila e que non se demore máis este proxecto. ¡Queremos auga limpa!

A Corporación Municipal aprobou o proxecto da ETAP de Ponteareas.

2009-01-22T11:57:00.004+01:00

No Boletín Oficial de Pontevedra do 16 de xaneiro do 2009 aparece publicado que a Corporación Municipal aprovóu en sesión do 01-12-08 o proxecto da Estación de Auga Potable de Ponteareas 1ªFase redactado pola empresa Applus, cun orzamento de 1.381142.55 euros. O proxecto estará exposto ó público polo prazo de 20 dias hábiles (suponse que dende a publicación no BOP) para os efectos de reclamacións.

Segundo o proxecto, o cal accedemos, a obra terá unha duración de 12 meses (dende o seu inicio, do que aínda non hay data) consistirá na construción dunha ETAP en edificación cerrada na que se albergarán tódolos equipos electromecánicos para tratar un caudal de 60 l/s (aínda que nesta 1ª fase se equipará para 30 l/s), a mellora da captación e a construción dun novo depósito de 2000 metros cúbicos.

Animamos a tódolos veciños interesados na mellora da calidade da auga a que se acerquen ó Concello a comprobar o proxecto da obra. Estamos seguros de que sin a presión dos veciños nada se estaría movendo, e todo pode quedar en nada se nos despistamos.

A Asociación Auga Limpa entrega 800 sinaturas que reclaman a construción dunha ETAP en Ponteareas.

2008-11-10T18:22:00.006+01:00

A asociación Auga Limpa de Ponteareas fixo este venres 7 de novembro ás 11 da mañá, a entrega no Concello de Ponteareas das sinaturas recollidas entre os veciños reclamando a mellora do servizo de auga potable na vila.

Recolléronse máis de 800 sinaturas que fixeron chegar ó Concello.

“Agardamos que isto sirva para que tanto o Concello como a Xunta de Galicia tomen nota do descontento dos veciños e leven adiante o proxecto da construción dunha Estación de Tratamento de Auga Potable en Ponteareas”, explica Lino Costas, secretario da Asociación Auga Limpa.

Segundo este, de acordo cun escrito remitido a esta asociación pola Consellería de Medio Ambiente e Desenvolvemento Sostible, existe un orzamento de 1.381.142,55 que está a espera de ser tramitado e licitado este ano 2008 unha vez a Consellería reciba unha serie de documentación requirida ó Concello e os terreos necesarios para a construción da planta.

“Pola súa parte, o Alcalde de Ponteareas asegurou no Pleno Municipal celebrado o 30 de outubro, que no día seguinte, venres 31, asinaría a compra dos terreos. Si todo isto é así, non debería haber ningún atranco máis polo que agardamos que sen máis demora poñan en marcha este proxecto tan importante para a vila. Sería unha mostra de moi pouca vontade política atopar agora escusas para atrasar máis o proxecto”.

Noticia publicada en "A Peneira" de Condado/Paradanta.

Fotos de Asociación Auga Limpa.

A asociación Auga Limpa fará entrega das firmas de reclamación ó Concello

2008-11-06T00:35:00.002+01:00

A asociación Auga Limpa fará este venres 7 de novembro ás 11 da mañá entrega no Concello de Ponteareas das firmas recollidas entre os veciños reclamando a mellora do servizo de auga potable na vila. Levamos recollidas máis de 800 firmas que faremos chegar ó Concello. Esperamos que isto sirva para que tanto o Concello como a Xunta de Galicia tomen nota do descontento dos veciños e leven adiante o proxecto da construción dunha Estación de Tratamento de Auga Potable en Ponteareas.

De acordo cun escrito remitido a esta asociación pola Consellería de Medio Ambiente e Desenvolvemento Sostible, existe un orzamento de 1.381.142,55 que está a espera de ser tramitado e licitado este ano 2008 unha vez a Consellería reciba unha serie de documentación requirida ó Concello e os terreos necesarios para a construción da planta. Pola súa parte, o Alcalde de Ponteareas asegurou no Pleno Municipal celebrado o 30 de outubro, que no dia seguinte, venres 31, firmaría a compra dos terreos.
Si todo isto é así, non debería haber ningún atranco máis polo que esperamos que sen máis demora poñan en marcha este proxecto tan importante para a vila. Sería unha mostra de moi pouca vontade política encontrar agora escusas para atrasar máis o proxecto.

Sin noticias dos terreos.

2008-10-22T12:18:00.002+02:00

Despóis de ter solicitado ó Concello información sobre si adquirira os terreos necesarios para a contrucción dunha potabilizadora, o Alcalde nos comunica que está á espera de ser requerido pola Notaría para firmar a escritura de compra-venda dos terreos para poñelos a disposición da Consellería de Medio Ambiente. Isto foi con rexistro de saída de 22 de setembro de 2008. Xá vai un mes e non nos consta que a escritura esté firmada e achegada á Consellería.
Volveremos a solicitar información, a ver cal é agora o problema.

Resposta do Valedor do Pobo.

2008-09-21T23:42:00.008+02:00

Mostramos aquí unha das respostas do Valedor do Pobo ás reclamacións que lle enviamos por escrito reclamando que inste ó Concello a solucionar o problema da auga.
Animámosvos a que todos enviedes reclamacións. Si alguén quere enviar un texto de reclamación dos que preparamos e non o ten, pode conseguilo póndose en contacto con nós no teléfono da asociación ou por correo electrónico.
A día de hoxe non nos consta que o Concello teña á súa disposición os terreos necesarios para a construcción da E.T.A.P. .

Preme nas imaxes para velas no tamaño orixinal.

Y al vacíar la bañera...

2008-09-08T23:35:00.003+02:00

...podemos ver claramente los residuos en estas fotos.

(Clicka en cada imagen para verlo en detalle).

Así salía el agua el 06/09/2008.

2008-09-08T19:25:00.002+02:00

Recollida de firmas.

2008-06-14T19:04:00.002+02:00

Na mañá de hoxe sábado, varios membros da asociación “Auga Limpa”, estivemos recollendo firmas no centro de Ponteareas.
O longo da mañá tivemos a oportunidade de cambiar impresións cos veciños que se achegaban a falar connosco e que colaboraban coa nosa causa firmando un texto no que se insta o Concello de Ponteareas a que poña solución ó mal servizo de auga potable na vila. Os veciños nos trasladaban o seu descontento por non poder utilizar a auga que sae pola billa para mais que lavar ou ducharse, tendo que comprar auga embotellada ou acudir ás fontes para poder ter auga coa que se poida beber ou cociñar.
Nas dúas horas e media que estivemos recollendo firmas, firmaron uns 140 veciños, firmas que se unen ás preto das 500 que xa tiñamos recollidas, co que levamos polo de agora unhas 640, sen contar coas que teñan no seu poder outros socios que tamén están recollendo firmas pero que aínda non temos contabilizadas.
Seguiremos coa loita ata que por fin en Ponteareas se poida beber a auga que sae pola billa.

A asociación "Auga Limpa" solicita información á Consellería de Medio Ambiente

2008-06-12T00:27:00.004+02:00

Ante a falta de información sobre o estado dos trámites para a construción dunha E.T.A.P. en Ponteareas, a asociación “Auga Limpa”, enviou un escrito á Consellería de Medio Ambiente e Desenvolvemento Sostible, para que os veciños poidamos ter unha idea clara de cal é neste intre a situación. No escrito que enviamos á Consellería figuran as seguintes preguntas :

¿Recibiu a Consellería de Medio Ambiente e Desenvolvemento Sostible unha proposta remitida polo Concello de Ponteareas poñendo á súa disposición uns terreos para a construción dunha E.T.A.P.?
En caso de ter recibido a dita proposta, ¿son aptos estes terreos para a construción da E.T.A.P.?
En caso de ser aptos, ¿existe algunha partida orzamentaria para a realización desta obra?

Por outra banda, tamén solicitamos por escrito ó Alcalde de Ponteareas que nos informe sobre o resultado da reunión que mantivo co Conselleiro de Medio Ambiente.

Con data do 10-04-08, membros da directiva da asociación, mantivemos unha entrevista co alcalde de Ponteareas na que nos comunicou que tiña previsto manter unha reunión co Conselleiro de Medio Ambiente e Desenvolvemento Sostible na que se trataría o tema da E.T.A.P. de Ponteareas. O Alcalde comprometeuse a darnos conta desta reunión unha vez celebrada. A dia de hoxe, aínda non recibimos ningunha notificación ó respecto.

Esperamos ter rápida resposta tanto por parte da Consellería como do Concello e que digan claramente si van a solucionar o mal servizo de auga potable en Ponteareas, ou pola contra van a seguir responsabilizándose uns a os outros.

O Concello non informa ós veciños

2008-05-28T10:50:00.002+02:00

Na reunión que tivemos co alcalde o día 10-04-08, comprometeuse a comunicarnos o resultado da entrevista que tiña previsto manter co Conselleiro de Medio Ambiente e Desenvolvemento Sostible,Manuel Vázquez.Despois de celebrada a nosa Asemblea Xeral, na que comunicamos que estábamos á espera de novas do Concello, nos decatamos de que o alcalde, xunto con representantes das asociacións veciñais de Xinzo, Areas e Arnoso, se reuniron con el, o día 15-04-08, reunión á que por suposto, non fomos invitados.

A día de hoxe o alcalde aínda non se puxo en contacto connosco como acordara para informarnos do resultado de dita reunión. Parece ser que ó señor alcalde non lle parece importante dar conta ós veciños da súa actuación á fronte do Concello.

Ángela Silva e Lino Costas mantiveron unha reunión co alcalde de Ponteareas

2008-04-12T17:05:00.006+02:00

O pasado xoves, 10 de abril de abril, Ángela Silva e Lino Costas, como membros da xunta directiva da asociación Auga Limpa, mantivemos unha reunión co alcalde de Ponteareas, Salvador González, na que lle transmitimos o descontento dos veciños co servizo da auga potable no Concello e a urxencia da solución deste problema. O alcalde recoñecéu a mala calidade da auga, e dixo ter apalabrado o terreo necesario para a construcción dunha planta potabilizadora que resolvería o problema, e que tiña prevista unha reunión co conselleiro de Medio Ambiente, Manuel Vázquez da que se comprometéu a trasmitirnos o resultado. Por outro lado, pedímoslle que se fixeran públicos os resultados das análises periódicas obligatorias ás que ten que ser sometida a auga, de maneira que todos os veciños puideran ter aceso a eles. Neste asunto comprometeuse a decirlle a empresa concesionaria do servizo, Aquagest, que expoña o resultado destes análises nas súas oficinas, aínda que ó noso parecer o máis adecuado sería que foran expostos no tablón de anuncios do Concello.
Esperamos que exista vontade política tanto pola parte do goberno municipal como por parte da Xunta para solucionar este problema, e que o asunto non se convirta en bota-la pelota uns ó tellado dos outros mentres os veciños seguimos pagando por unha auga que non podemos utilizar; por certo, aínda máis cara.

¿De onde ven a auga que nos suministran?

2007-11-08T11:42:00.000+01:00

Un asunto importante é a procedencia da auga que está suministrando o servicio municipal (xestionado por Aquagest). Hay tres depósitos, un en Cristiñade, outro en Canedo, e outro no Picaraña.

O depósito de Cristiñade, recolle a auga dende unha captación no río Tea na parroquia de Moreira, dende donde é bombeada. Esta captación está preto da Ponte das Partidas, unha zona do rio que non é apta nin para o baño.
O depósito de Canedo, suminístrase dunha captación no río antes da praia da Freixa, dende donde tamén é bombeada. Esta captación está situada case enfrente de donde vertía os seus resíduos ó rio a empresa Avigán cando estaba en funcionamento.
E o depósito que está no Picaraña, recolle auga de captacións feitas no monte. Hay que ter en conta, que este depósito, está situado por debaixo do antigo vertedeiro, que está aínda sen selar, e pode chegar a contaminar os manantiais, de feito, unha das tuberías que levan a auga ó depósito tuvo que se desconectar por estar contaminada.

Todos estes despropósitos, non afectan somentes á auga que nos é suministrada, aínda que é este o tema que principalmente nos ocupa como asociación, se non que son por sí mesmos, auténticos atentados ó Medio Ambiente. E todo polo desinterés absoluto das administracións, dígase o Concello, a Xunta ou a Confederación Hidrogáfica do Norte, sendo esta última, no tocante os vertidos ó río, a resposable da vixilancia dos cauces fluviais. É sorprendente e indignante, que teñan a cara de declarar a ribeira do Tea ó seu paso por Ponteareas, Lugar de Interese Comunitario (L.I.C.), integrado na Rede Natura 2000, e por outro permitir todos estes vertidos de augas residuais sen depurar ó río. Por outra banda, mentres o antigo basureiro non sexa selado, é un perigo para os cauces fluviais, porque as chuvias arrastran libremente todos estes materiais, que poden ser de calquer tipo, incluíndo metais pesados procedentes de pilas ou todo tipo de aparellos electrónicos.

Clicka nas imáxes para velas no tamaño orixinal.

Auga Limpa nos medios.

2007-10-25T17:16:00.000+02:00

No día de hoxe, Ángela Silva, en calidade de presidenta de asociación, foi entrevistada na cadea de radio "Onda Cero."
Ángela reafirmouse na demanda de que tódolos veciños debemos ter auga non só potable, se non tamén limpa e en condicións aptas para ó seu consumo.

Tamén fixéronse eco das nosas esixencias a TVG no programa "Galicia Noticias," e os xornais "A Peneira" e "La Voz de Galicia."

Ésta é a auga que pagamos...

2007-10-25T17:00:00.001+02:00

Fotos de hoxe.

2007-10-24T15:03:00.001+02:00

Filtro cheo de restos de follas e suciedade depositada pola auga.

Ángela Silva e Lino Costas.

Constitúese en Ponteareas a Asociación "Auga Limpa".

2007-10-22T22:00:00.000+02:00

En vista de que o suministro de auga potable en Ponteareas é pésimo e que non ten vistas de mellorar, un grupo de veciños da vila decidimos constituirnos en asociación para agrupar forzas coa finalidade de reclamar que se solucione este problema. Esta situación, está afectando a moitos veciños, polo que a asociación está aberta a novos socios. Na asamblea de constitución, elexiuse como presidenta a Ángela Silva. Como primeira actividade, estamos recollendo firmas dos veciños esixindo a solución deste problema, para facerllas chegar ó Concello. Cónstanos que xa se fixeron moitas reclamacións individuais, tanto ó Concello como á empresa concesionaria, pero estas reclamacións foron desatendidas, e chegamos á conclusión de que constituindo unha organización veciñal, teríamos máis forza ante a administración. O problema de momento segue ahí; a auga trae tanta suciedade que ata atasca os filtros dos edificios, tendo que chegar a quitalos para poder ter algo de auga aínda que sexa sucia. A isto engádese que ven habitualmente con exceso de cloro.

Temos que poder beber tranquilamente a auga do grifo, algo que agora mesmo é imposible. Isto está sucedendo cun servicio que os veciños estamos pagando, de maneira que a empresa concesionaria, Aquagest, estase beneficiando do cobro dun servizo que da en malas condicións. Pero ainda que a xestión da auga a esté levando esta empresa, o Concello é o responsable de que esta chegue ós consumidores en perfecto estado, polo que ten a obriga de exisirlle que cumpra coa normativa de calidade da auga, ou de tomar as medidas oportunas para solucionar o problema.